അഞ്ചുന-വാഗേറ്ററിൽ ഇഡി‌എം സോൺ വികസിപ്പിക്കാൻ ഗോവ സർക്കാർ പദ്ധതി

പനജി: ഗോവ ടൂറിസം വകുപ്പ് അഞ്ചുന-വാഗേറ്റർ കുന്നിന് സമീപം ഒരു എന്റർടെയിൻമെന്റ് ഹബ് സ്ഥാപിക്കാൻ പദ്ധതിയിടുന്നു. മുമ്പ് സൺബേൺ ഇഡി‌എം ഫെസ്റ്റിവൽ സംഘടിപ്പിച്ചിരുന്ന ഈ പ്രദേശത്ത് 1.5 ലക്ഷം ചതുരശ്ര മീറ്റർ വിസ്തീർണ്ണത്തിലുള്ള മെഗാ ഇവന്റുകൾക്ക് അനുയോജ്യമായ സൗകര്യം ഒരുക്കാനാണ് സംസ്ഥാന സർക്കാരിന്റെ ഉദ്ദേശം. പദ്ധതിയുടെ ചെലവ് ഇതുവരെ നിശ്ചയിച്ചിട്ടില്ല, അതിനാൽ ഔദ്യോഗിക അനുമതി ലഭിച്ചിട്ടില്ല. “സൺബേൺ ഫസ്റ്റിവൽ സംഘടിപ്പിച്ചിരുന്ന പ്രദേശത്ത് ഒരു ‘പ്ലഗ്-അൻഡ്-പ്ലേ’ എന്റർടെയിൻമെന്റ് ഹബ് വികസിപ്പിക്കാനാണ് ഞങ്ങളുടെ പദ്ധതി,” ടൂറിസം വകുപ്പ് ഉദ്യോഗസ്ഥൻ അറിയിച്ചു.