ബോബി ചെമ്മണ്ണൂരിന് ജയിലിൽ വഴിവിട്ട സഹായം: രണ്ട് ജയിൽ ഉദ്യോഗസ്ഥർ സസ്പെൻഷനിൽ.

റിപ്പോർട്ട് പ്രകാരം, ഒരു തൃശ്ശൂർ സ്വദേശി ഉൾപ്പെടെ മൂന്ന് വി.ഐ.പി.കൾ ബോബി ചെമ്മണ്ണൂരിനെ സന്ദർശിച്ചു. എന്നാൽ, ഇവർ ജയിലിലെ സന്ദർശക രജിസ്റ്ററിൽ പേരുകൾ രേഖപ്പെടുത്താതെ ഒരു മണിക്കൂറോളം ബോബി ചെമ്മണ്ണൂരിനൊപ്പം സമയം ചെലവഴിച്ചുവെന്നാണ് കണ്ടെത്തൽ. സിസിടിവി ദൃശ്യങ്ങൾ അടക്കമുള്ള തെളിവുകളുടെ അടിസ്ഥാനത്തിലാണ് അന്വേഷണം നടന്നത്. സംഭവത്തിൽ കൂടുതൽ നടപടികൾക്കായി ടൂറിസം വകുപ്പും ജയിൽ മേധാവിയും കൂടുതൽ വിശദീകരണങ്ങൾ തേടിയിട്ടുണ്ട്.