ട്രെയിൻ യാത്രക്കിടയിൽ പ്രവാസി മലയാളി മരിച്ചു

ഇന്നലെ (27/01/2025 )ഓഘ എക്സ്പ്രസ്സ്‌ ട്രെയിനിൽ അഹമ്മദാബാദിൽ നിന്നും കർണാടകയിലെ ബൈൻഡൂറിലേക്ക് യാത്ര ചെയ്തിരുന്ന പത്തനംതിട്ട കുമ്പഴ സ്വദേശിയും അഹമ്മദാബാദ് നിവാസിയുമായ M.G.ശിവാനന്ദൻ(69) കൊങ്കൺ റെയിൽവേ റൂട്ടിൽ രത്നഗിരി ജില്ലയിലെ രാജാപ്പൂർ റെയിൽവേ സ്റ്റേഷനിൽ ചൊവ്വാഴ്ച രാവിലെ 05 മണിക്ക് കുഴഞ്ഞുവീണ് മരണമടഞ്ഞു.

ക്രോസിങ്ങിന് വേണ്ടി ട്രെയിൻ രാജാപ്പൂർ സ്റ്റേഷനിൽ നിറുത്തിയ സമയം പ്ലാറ്റ്ഫോമിലിറങ്ങി ബെഞ്ചിലിരുന്നു വിശ്രമിക്കുന്ന സമയം ദേഹാസ്വസ്ഥത ഉണ്ടായി തളർന്ന് വീണാണ് മരണം ഉണ്ടായതെന്ന് CCTV ഫുട്ടേജുകൾ പരിശോധിച്ച RPF/GRP ഉദ്യോഗസ്ഥർ അറിയിച്ചു. പരേതൻ ഭാര്യാസമേതം കൊല്ലൂർ മൂകാംബിക ക്ഷേത്രത്തിൽ ദർശനത്തിനായി യാത്ര ചെയ്യുന്നതിനിടയിലുണ്ടായ ദാരുണസംഭവം.