2026 ലെ ഐ പി എല്‍ താരലേലം- താരങ്ങള്‍ ആയിരം കഴിഞ്ഞു

മുംബൈ: ഐപിഎൽ പത്തൊമ്പതാം സീസൺ മുന്നോടിയായിയുള്ള മിനി താരലേലത്തിന് 1355 താരങ്ങളാണ് ഇതുവരെ രജിസ്റ്റര്‍ ചെയ്തത്. ഓസ്ട്രേലിയൻ താരം കാമറൂൺ ഗ്രീൻ ഉൾപ്പെടെ 45 താരങ്ങൾക്ക് രണ്ട് കോടി രൂപയാണ് അടിസ്ഥാന വില. ഇന്ത്യൻ താരങ്ങളായ വെങ്കടേഷ് അയ്യരും രവി ബിഷ്ണോയിയും ഈ പട്ടികയിലുണ്ട്.
മിനി താരലേലത്തിൽ 237 കോടിയാണ് പത്ത് ഫ്രാഞ്ചൈസികൾക്കുമായി ചെലവഴിക്കാൻ ശേഷിക്കുന്ന തുക. മുൻ ചാംപ്യൻമാരായ കൊൽക്കത്ത നൈറ്റ് റൈഡേഴ്സിനാണ് ഏറ്റവും കൂടുതൽ തുക കൈവശമുള്ളത്.
അതേസമയം, ഓസ്ട്രേലിയൻ ഓൾറൗണ്ടർ ഗ്ലെൻ മാക്‌സ്‌വെൽ ഇത്തവണ ഐപിഎല്ലിനില്ല.