Author: Reporter Goanmalayali.

ഗോവ : സൗത്ത് ഗോവയിലെ സോൺസോഡോ – റയയിൽ ഏറെക്കാലമായി കാത്തിരുന്ന പുതിയ മൃഗാശുപത്രി പൂർത്തിയായി. നവംബർ 9 ന് സോൺസോഡോയിൽ സർക്കാർ മൃഗാശുപത്രിയുടെ ഉദ്ഘാടനം നടക്കും. പുതിയ ആശുപത്രിയില്‍ എക്സ്-റേ, സോണോഗ്രാഫി സേവനങ്ങളും ആരംഭിക്കും. നാല് മാസം മുമ്പ് നോര്‍ത്ത് ഗോവയിലെ ടോന്‍ക ആസ്ഥാനമായുള്ള സർക്കാർ ആശുപത്രിയിൽ സ്ഥാപിച്ച സമാനമായ ഉപകരണങ്ങൾ സാങ്കേതിക വിദഗ്ദ്ധരുടെ അഭാവം കാരണം പ്രവർത്തനരഹിതമാണ്. സൗത്ത് ഗോവയിലെ പുതിയ മൃഗാശുപത്രി, മൃഗങ്ങൾക്ക് സോണോഗ്രാഫിയും ഡയഗ്നോസ്റ്റിക് ഇമേജിംഗും ആരംഭിക്കുന്ന സംസ്ഥാനത്തെ ആദ്യത്തെ സർക്കാർ മൃഗസംരക്ഷണ കേന്ദ്രമായി മാറുമെന്നും ദക്ഷിണ ഗോവയിലെ സേവനങ്ങൾ മെച്ചപ്പെടുത്തുമെന്നും മൃഗസംരക്ഷണ, വെറ്ററിനറി സർവീസസ് ഡയറക്ടർ നിതിൻ നായിക് പറഞ്ഞു. കുർത്തോറിം നിയോജകമണ്ഡലത്തിൽ സ്ഥിതി ചെയ്യുന്ന പുതിയ ആശുപത്രി മൂന്ന് കോടിയിലധികം രൂപ ചെലവഴിച്ചാണ് പൂർത്തിയാക്കിയത്. ജീവനക്കാരുടെ സ്ഥലംമാറ്റവും പുതിയ സൗകര്യങ്ങളും നിലവിൽ വരുന്നതോടെ, ദക്ഷിണ ഗോവയിലെ വെറ്ററിനറി കെയർ അടിസ്ഥാന സൗകര്യങ്ങൾ ആശുപത്രി ഗണ്യമായി മെച്ചപ്പെടുത്തുമെന്ന് ഉദ്യോഗസ്ഥർ പറഞ്ഞു. സോൺസോഡോ വെറ്ററിനറി ആശുപത്രി…

പനവേല്‍ – നവംബര്‍ – 2 ന് തിരുവനന്തപുരത്ത് നിന്നും പുറപ്പെട്ട 16346 നേത്രാവതി എക്സ്പ്രസില്‍ സെക്കന്റ് എ എസി യില്‍ യാത്ര ചെയ്ത യാത്രക്കാരുടെ വിലപിടിച്ച വസ്ത്രങ്ങളടങ്ങിയ ബാഗാണ് ഉടമസ്ഥരെ പ്രതീക്ഷിച്ച് പനവേല്‍ മറ്റൊരു യാത്രക്കാരന്‍ സുരക്ഷിതമായി വച്ചിരിക്കുന്നത്. തന്റെ അതേ കംപാര്‍ട്ട്മെന്റിലെ എതിര്‍വശത്താണ് ബാഗുകള്‍ കണ്ടെത്തിയതെന്നും വിലപിടിച്ച സാധനങ്ങളാണ് ബാഗിലുള്ളതെന്ന് മനസിലായതിനാല്‍ ഉപേക്ഷിച്ച് കളയാതെ അവകാശികള്‍ തേടിവരുമെന്ന പ്രതീക്ഷയില്‍ സൂക്ഷിച്ച് വച്ചിരിക്കുകയാണെന്നും അവര്‍ പറഞ്ഞു. അവകാശികളെ കണ്ടെത്തുന്നതിനായി പലതരത്തിലും അന്വേഷിക്കുന്നുണ്ടെങ്കിലും ഇതുവരേയും കണ്ടെത്താന്‍കഴിഞ്ഞിട്ടില്ല. എന്തെങ്കിലും വിവരം അറിയുന്നവര്‍ 8452051016 എന്ന നമ്പരില്‍ ബന്ധപ്പെടുക.

ഗോവ – മൈൻസ് ആൻഡ് ജിയോളജി ഡയറക്ടറേറ്റ് 2026 ജനുവരി ആദ്യവാരം 22 ദശലക്ഷം ടൺ ശേഷിയുള്ള 10 ഇരുമ്പയിര് ഖനന ഡമ്പുകൾ ലേലം ചെയ്യുമെന്ന് ഡയറക്ടർ നാരായൺ ഗാഡ് പ്രഖ്യാപിച്ചു. ഡമ്പുകൾ സ്വകാര്യ ഭൂമികളിലാണ് സ്ഥിതി ചെയ്യുന്നത്. ഈ സൈറ്റുകൾക്കുള്ള കണ്‍വെര്‍ഷന്‍ ഫീസ് ഇതുവരെ അടച്ചിട്ടില്ലെന്ന് അദ്ദേഹം കൂട്ടിച്ചേർത്തു. ശിരിഗാവിലെ രാജാറാം ബന്ദേക്കർ മൈനുകളും ജെഎസ്ഡബ്ല്യുവിന്റെ ഉടമസ്ഥതയിലുള്ള കുഡ്‌നെം മിനറൽ ബ്ലോക്കും ഒക്ടോബർ മുതൽ പ്രവർത്തനം ആരംഭിച്ചതായി ഗാഡ് പറഞ്ഞു. ഇതുവരെ, ഗോവയിലെ ലേലം ചെയ്ത 12 ഖനന ബ്ലോക്കുകളിൽ അഞ്ചെണ്ണം പ്രവർത്തനം ആരംഭിച്ചിട്ടുണ്ട്, അവയുടെ സംയോജിത ഉൽപാദന ശേഷി 5.3 ദശലക്ഷം ടൺ ആണെന്ന് ഡയറക്ടറേറ്റ് അറിയിച്ചു. വർഷങ്ങളുടെ സസ്പെൻഷനും നിയന്ത്രണ തടസ്സങ്ങൾക്കും ശേഷം ക്രമേണ പുനരുജ്ജീവിപ്പിച്ച സംസ്ഥാനത്തെ ഖനന പ്രവർത്തനങ്ങൾക്ക് വരാനിരിക്കുന്ന ലേലം കൂടുതൽ ഉത്തേജനം നൽകുമെന്ന് പ്രതീക്ഷിക്കുന്നു.

ഗോവ: വോട്ടര്‍പട്ടിക പുനഃപരിശോധന(സ്പെഷ്യല്‍ ഇന്റന്‍സീവ് റിവിഷന്‍ )യുടെ ഭാഗമായി ഒരു മാസം നീണ്ടുനിൽക്കുന്ന സര്‍വ്വേ ഘട്ടത്തിൽ ഓരോ താമസക്കാരനെയും കുറഞ്ഞത് മൂന്ന് തവണയെങ്കിലും സന്ദർശിക്കാൻ ബൂത്ത് ലെവൽ ഓഫീസർമാർക്ക് (ബിഎൽഒ) നിർദ്ദേശം നൽകിയിട്ടുണ്ടെന്ന് ജില്ലാ തിരഞ്ഞെടുപ്പ് ഓഫീസറും സൗത്ത് ഗോവ കളക്ടറുമായ എഗ്ന ക്ലീറ്റസ് ചൊവ്വാഴ്ച പറഞ്ഞു. നവംബര്‍ 4 നാണ് സര്‍വ്വേ ആരംഭിച്ചത്. നിലവിലെ വോട്ടർ പട്ടികയിലുള്ളവർക്ക് സര്‍വ്വേ ഫോമുകൾ വിതരണം ചെയ്യുന്നതിനായി ബി‌എൽ‌ഒമാർ വീടുവീടാന്തരം സന്ദര്‍ശനം ആരംഭിച്ചു. “വോട്ടർ ഗോവയിലല്ലെങ്കിൽ, അവർക്ക് ഫോം ആക്‌സസ് ചെയ്‌ത് ഓൺലൈനായി പൂരിപ്പിക്കാം. അവരുടെ ബന്ധുക്കൾക്കും അവരുടെ പേരിൽ ഫോമുകൾ പൂരിപ്പിച്ച് സമർപ്പിക്കാമെന്ന് എഗ്ന ക്ലീറ്റസ് പറഞ്ഞു. സര്‍വ്വേ ഡിസംബർ 4 ന് അവസാനിക്കും. “ഫോമുകളിൽ വോട്ടറുടെ പേര്, ഇപിഐസി ഐഡി, ഫോട്ടോഗ്രാഫുകൾ തുടങ്ങിയ മുൻകൂട്ടി പൂരിപ്പിച്ച വിവരങ്ങൾ ഉണ്ട്. ജനനത്തീയതി പോലുള്ള ചില അധിക വിവരങ്ങൾ വോട്ടർമാർ പൂരിപ്പിക്കേണ്ടതുണ്ട്. അഞ്ച് മിനിറ്റിൽ കൂടുതൽ സമയം എടുക്കില്ല. കഴിഞ്ഞ എസ്‌ഐആറിൽ അവർ പങ്കെടുത്തോ…

ആള്‍ ഇന്‍ഡ്യ ഡാന്‍സേഴ്സ് അസോസിയേഷന്റെ ആഭിമുഖ്യത്തില്‍ ഗോവയിൽ കഴിഞ്ഞ നാലുദിവസമായി നടന്ന ഗോവ കള്‍ച്ചറല്‍ കാര്‍ണിവല്‍ പരിപാടിയിലെ സമാപന ദിവസം വാസ്കോ (ഗോവ )നാദ മാധുരി സ്കൂൾ ഓഫ് മ്യൂസിക് ആൻ്റ് ഡാൻസിലെ നൃത്ത അധ്യാപികയും മലയാളിയുമായ ഡോ.രാകേന്ദുവിനെ ആദരിച്ചു. മഡ്ഗാവ് രവീന്ദ്രഭവനില്‍ നടന്ന പരിപാടിയില്‍ ഡോ.രാകേന്ദു, ഇരയിമ്മൻ തമ്പിയുടെ പ്രസിദ്ധമായ “ഓമനത്തിങ്കൾ കിടാവോ” എന്ന താരാട്ടു പാട്ടിൻ്റെ മോഹിനിയാട്ടം നൃത്തരൂപമാണ് വേദിയില്‍ അവതരിപ്പിച്ചത്., ചടങ്ങിൽ ഗോവ മുഖ്യമന്ത്രിഡോ. പ്രമോദ് സാവന്ത് മുഖ്യ അതിഥിയായിരുന്നു. മന്ത്രി ദിഗംബർ കാമത്ത്, ബിജെപി സംസ്ഥാന പ്രസിഡൻ്റ് ദാമു നായിക് എന്നിവർ ചടങ്ങിൽ സംബന്ധിച്ചു.

കോഴിക്കോട്: പരാതികളില്ലാതെയാണ് സംസ്ഥാന ചലച്ചിത്ര അവാര്‍ഡുകള്‍ പ്രഖ്യാപിച്ചതെന്ന് സാംസ്‌കാരിക മന്ത്രി സജി ചെറിയാന്‍. കുട്ടികളുടെ സിനിമകള്‍ക്കുള്ള അവാര്‍ഡ് പ്രഖ്യാപിക്കാത്തതുമായി ബന്ധപ്പെട്ട വിവാദത്തോട് പ്രതികരിക്കുകയായിരുന്നു മന്ത്രി. കുട്ടികളുടെ വിഭാഗത്തില്‍ നാല് സിനിമകള്‍ സമര്‍പ്പിക്കപ്പെട്ടിരുന്നു. രണ്ടു സിനിമകള്‍ അവസാന റൗണ്ടിലുമെത്തി. എന്നാല്‍, അവാര്‍ഡ് നല്‍കാനുള്ള സൃഷ്ടിപരമായ നിലവാരം ഇവയ്ക്കില്ലെന്ന്‌ ജൂറി അഭിപ്രായപ്പെടുകയായിരുന്നുവെന്നും മന്ത്രി പറഞ്ഞു. പ്രകാശ് രാജ് വിശദീകരിക്കുമ്പോഴാണ് ഞാന്‍ കാര്യങ്ങള്‍ മനസിലാക്കിയത്. ജൂറി ആര്‍ക്കാണോ അവാര്‍ഡുകള്‍ തീരുമാനിക്കുന്നത്, അത് മാധ്യമങ്ങള്‍ക്കുമുന്നില്‍വെച്ചാണ് തുറക്കുന്നത്. അത് ഞാന്‍ മന്ത്രിയായപ്പോള്‍ എടുത്ത തീരുമാനമാണ്. ഇന്നലേയും അതുതന്നെയാണ് സംഭവിച്ചത്. കഴിഞ്ഞ അഞ്ചുവര്‍ഷത്തിനിടയില്‍ പ്രഖ്യാപിച്ച ഒരു അവാര്‍ഡിലും പരാതിയുണ്ടായിട്ടില്ല. പരാതികളില്ലാതെ മികച്ച പ്രഖ്യാപനമാണ് ഇന്നലെ നടന്നത്’, മന്ത്രി അഭിപ്രായപ്പെട്ടു. നമ്മള്‍ ഏറ്റവും കൂടുതല്‍ ഫോക്കസ് ചെയ്യേണ്ടത് കുഞ്ഞുങ്ങളേയാണ്. നാലു സിനിമകള്‍ ഈ വര്‍ഷത്തെ അവാര്‍ഡിനുവേണ്ടി വന്നിരുന്നു. രണ്ട് സിനിമകള്‍ അവസാന ലാപ്പിലേക്ക് എത്തി. ക്രീയേറ്റീവായ സിനിമയായി ജൂറി അവ രണ്ടിനേയും കണ്ടില്ല. അവാര്‍ഡ് കൊടുക്കാന്‍ പാകത്തിലേക്ക് ആ സിനിമകള്‍ എത്തിയില്ല…

ഗോവ- ബംബോളിം ഹൈവേയിൽ പുലർച്ചെ ഒരു മണിയോടെ നടന്ന ആപകടത്തില്‍ രണ്ട് യാത്രക്കാര്‍ക്ക് ദാരുണാന്ത്യം . പനജിയിലേക്ക് വരുകയായിരുന്ന ഒരു ടാങ്കർ താഴേക്ക് ഇറങ്ങുന്നതിനിടെ നിയന്ത്രണം നഷ്ടപ്പെട്ട് റോഡ് ഡിവൈഡറിൽ ഇടിച്ചുകയറി എതിർദിശയിൽ പോകുകയായിരുന്ന ഒരു റെന്റ്-എ-കാറിൽ ഇടിച്ചാണ് അപകടമുണ്ടായത്. അപകടത്തിന്റെ ആഘാതത്തിൽ കാർ പൂർണ്ണമായും തകരുകയും കാറിലുണ്ടായിരുന്ന രണ്ട് വിനോദസഞ്ചാരികളും സംഭവസ്ഥലത്ത് തന്നെ മരണപ്പെടുകയും ചെയ്തു. മരണപ്പെട്ടവരില്‍ ഒരാള്‍ ഡൽഹി സ്വദേശിയായ യോഗേന്ദർ സിംഗ് ( 52) ആണെന്ന് തിരിച്ചറിഞ്ഞിട്ടുണ്ട്. ഉടന്‍ സ്ഥലത്തെത്തിയ പോലീസ് മൃതദേഹങ്ങൾ പോസ്റ്റ്‌മോർട്ടം നടപടികള്‍ക്ക് ആയി ഗോവ മെഡിക്കൽ കോളേജിലേക്ക് മാറ്റി.

തൃശൂർ: 55-ാമത് സംസ്ഥാന ചലച്ചിത്ര പുരസ്കാരം പ്രഖ്യാപിച്ചു. മന്ത്രി സജി ചെറിയാനാണ് പുരസ്കാരം പ്രഖ്യാപിച്ചത്. മികച്ച നടനായി മമ്മൂട്ടിയെ തിരഞ്ഞെടുത്തു. ഭ്രമയുഗത്തിലെ കൊടുമണ്‍ പോറ്റി ആയുള്ള പ്രകടനത്തിനാണ് മമ്മൂട്ടിയ്ക്ക് പുരസ്കാരം ലഭിച്ചത്. മികച്ച നടിയായി ഷംല ഹംസയെയും മികച്ച ചിത്രമായി മഞ്ഞുമ്മൽ ബോയ്സും തിരഞ്ഞെടുത്തു. ജൂറി ചെയർമാൻ പ്രകാശ് രാജിന്റെ നേതൃത്വത്തിലുള്ള ഏഴംഗ കമ്മിറ്റിയുടെ അവസാന ഘട്ട സ്ക്രീനിങ്ങ് കഴിഞ്ഞമാസം അവസാനത്തോടെ പൂർത്തിയായിരുന്നു. അവാർഡ് പട്ടിക ഇങ്ങനെ: രചനാ വിഭാഗം മികച്ച ചലച്ചിത്ര ഗ്രന്ഥം – പെൺപാട്ട് താരകൾ (രചയിതാവ് സി മീനാക്ഷി) മികച്ച ചലച്ചിത്ര ലേഖനം – മറയുന്ന നാലുകെട്ടുകള്‍ പ്രത്യേക ജൂറി അവാർഡ്- പാരഡൈസ് മികച്ച നവാഗത സംവിധായകൻ- ഫാസിൽ മുഹമ്മദ് (ഫെമിനിച്ചി ഫാത്തിമ) മികച്ച വിഷ്വൽ എഫക്ട്സ്- അജയന്റെ രണ്ടാം മോഷണം മികച്ച വസ്ത്രാലങ്കാരം- സമീറ സനീഷ് (രേഖാചിത്രം, ബൊഗയ്ൻവില്ല) മികച്ച മേക്കപ്പ് ആർട്ടിസ്റ്റ്- റോണക്സ് സേവ്യർ (ഭ്രമയുഗം) മികച്ച നൃത്തസംവിധാനം- സുമേഷ് സുന്ദർ (ബൊഗെയ്ൻ വില്ല)…

ആര്‍ട്ടിഫിഷ്യല്‍ ഇന്റലിജന്‍സ് മോഡലുകളെ പരിശീലിപ്പിക്കാന്‍ പോണോ ഗ്രഫിക് ഉള്ളടക്കങ്ങള്‍ ഉപയോഗിച്ചുവെന്ന ആരോപണം തള്ളി മെറ്റ. എഐയെ പരിശീലിപ്പിക്കാന്‍ അശ്ലീല സിനിമകള്‍ ഡൗണ്‍ലോഡ് ചെയ്യാന്‍ ജീവനക്കാര്‍ക്ക് നിര്‍ദേശം നല്‍കിയതിന് തെളിവുകളൊന്നുമില്ലെന്നും അതിന് സാധ്യതയില്ലെന്നും മെറ്റ പറഞ്ഞു. ആ അശ്ലീല ഉള്ളടക്കങ്ങള്‍ ഡൗണ്‍ലോഡ് ചിലപ്പോള്‍ ജീവനക്കാര്‍ അവരുടെ വ്യക്തിഗത ആവശ്യത്തിനായി ഡൗണ്‍ലോഡ് ചെയ്തതാവാമെന്നും കമ്പനി പറയുന്നു. തങ്ങള്‍ക്കെതിരെ പോണ്‍ മൂവി നിര്‍മാണ കമ്പനിയായ സ്‌ട്രൈക്കര്‍ 3 ഹോള്‍ഡിങ്‌സ് നല്‍കിയ പരാതി പിന്‍വലിക്കണമെന്ന് മെറ്റ കോടതിയോട് ആവശ്യപ്പെട്ടു. തങ്ങള്‍ക്ക് പകര്‍പ്പാവകാശമുള്ള 2000 ല്‍ ഏറെ പോണ്‍ വീഡിയോകള്‍ എഐ മോഡലിനെ പരിശീലിപ്പിക്കാന്‍ മെറ്റ ഉപയോഗിച്ചുവെന്നാണ് പരാതി. എന്നാല്‍ ഈ ആരോപണങ്ങള്‍ മെറ്റ കോടതിയിൽ നിഷേധിച്ചു. എഐ പരിശീലനത്തിനായി സ്ട്രൈക്ക് 3 യുടെ ഉടസ്ഥതയിലുള്ള 2400 അഡള്‍ട്ട് സിനിമകള്‍ നിയമിവിരുദ്ധമായി ഡൗണ്‍ലോഡ് ചെയ്യാന്‍ ജീവനക്കാര്‍ക്ക് നിര്‍ദേശം നല്‍കിയതിന് യാതൊരു തെളിവുമില്ലെന്ന് മെറ്റ പറയുന്നു. മെറ്റ മൂവി ജെന്‍, ലാമ ഉള്‍പ്പടെ മെറ്റയുടെ വീഡിയോ അധിഷ്ടിത എഐ ഉത്പന്നങ്ങളെ…

നാലുലക്ഷത്തിലേറെ പേര്‍ക്ക് ആരോഗ്യ ഇന്‍ഷുറന്‍സ് പരിരക്ഷയുമായി നോര്‍ക്ക കെയര്‍ ആരോഗ്യ-അപകട ഇന്‍ഷുറന്‍സ് നിലവില്‍ വന്നു. രാജ്യത്തിനകത്തും വിദേശത്തും താമസിക്കുന്ന പ്രവാസികള്‍ക്കുവേണ്ടി ന്യൂ ഇന്ത്യ അഷ്വറന്‍സുമായി ചേര്‍ന്നാണ് നോര്‍ക്ക കെയര്‍ നടപ്പാക്കുന്നത്. രജിസ്ട്രേഷന്‍ നവംബര്‍ 30 വരെ നീട്ടിയതിനാല്‍ ഇനിയും നോര്‍ക്ക കെയറില്‍ ചേരാന്‍ അവസരമുണ്ട്. നോര്‍ക്ക തിരിച്ചറിയല്‍-അപകട ഇന്‍ഷുറന്‍സ് കാര്‍ഡുള്ളവര്‍ക്ക് (എന്‍ആര്‍കെ) നേരിട്ട് നോര്‍ക്ക കെയറില്‍ രജിസ്റ്റര്‍ ചെയ്യാം. നോര്‍ക്ക റൂട്ട്സ് വെബ്സൈറ്റ് മുഖേനയും (norkaroots.kerala.gov.in)നോര്‍ക്ക കെയര്‍ മൊബൈല്‍ ആപ്പ് മുഖേനെയും അപേക്ഷ സമര്‍പ്പിക്കാം. ഗ്രൂപ്പ് പോളിസിയായ നോര്‍ക്ക കെയറില്‍ മാതാപിതാക്കളും രണ്ടു മക്കളും അടങ്ങുന്ന കുടുംബത്തിന് 13,411 രൂപയാണ് പ്രീമിയം. ഒക്ടോബര്‍ 31 വരെ 1,02,524 കുടുംബങ്ങളാണ് പോളിസി എടുത്തിരിക്കുന്നത്. ഇതിനകം രജിസ്റ്റര്‍ ചെയ്ത എല്ലാവര്‍ക്കും പോളിസി പ്രകാരമുള്ള പരിരക്ഷ നിലവില്‍ വന്നു.