ഗൾഫിലെ ബാങ്കുകളിൽ നിന്നും വായ്പ്പകളെടുത്ത് മുങ്ങി: കൂടുതലും പ്രവാസി മലയാളി നഴ്സുമ്മാർ

ഗൾഫിലെ ബാങ്കുകളിൽ നിന്നും വായ്‌പകൾ എടുത്ത് നാടുവിട്ടവരിൽ കൂടുതലും മലയാളികളായ നഴ്സുമാർ ആണ്. ഗൾഫ് ബാങ്കിന്റെ ഡപ്യൂട്ടി ജനറൽ മാനേജർ ഇത്രയും തുക വായ്പയെടുത്ത് കുടിശ്ശികവരുത്തി നാടു വിട്ടവരെത്തേടി കേരളത്തിൽ എത്തിയതോടെയാണ് സംഭവം പുറത്തറിയുന്നത്. ആയിരത്തിനാണൂറിലധികം മലയാളികൾ 700 കോടി രൂപയോളം തട്ടിയെടുത്ത് നാടുവിട്ടെന്നാണ് റിപ്പോർട്ടുകൾ. ലോണെടുത്ത് മുങ്ങിയവരിൽ 800 പേരും നഴ്സുമാരാണ്. ‘ഗൾഫ് ബാങ്ക് കുവൈത്ത് ഷെയർ ഹോൾഡിങ് കമ്പനി പബ്ലിക്’ എന്ന സ്ഥാപനത്തിൽ നിന്നാണ് ഇത്രയും പണം വായ്പയെടുത്തത്. ഇവരുടെ വിവരങ്ങൾ ബാങ്ക് അധികൃതർ പൊലിസിനു കൈമാറി.