വിസ്മയ കേസിൽ ശിക്ഷ റദ്ദാക്കണമെന്ന് ആവശ്യപ്പെട്ട് കിരൺ കുമാർ സുപ്രീംകോടതിയിൽ

സ്ത്രീധന പീഡനത്തെ തുടർന്ന് കൊല്ലം സ്വദേശിനിയായ വിസ്മയ ജീവനൊടുക്കിയ കേസിൽ ശിക്ഷ റദ്ദാക്കണമെന്ന് ആവശ്യപ്പെട്ട് പ്രതി കിരൺ കുമാർ സുപ്രീംകോടതിയെ സമീപിച്ചു. തനിക്കെതിരെ നൽകിയ ശിക്ഷാവിധി നീക്കം ചെയ്യണമെന്നാവശ്യപ്പെട്ടാണ് ഹർജി. വിസ്മയയുടെ ആത്മഹത്യയുമായി തനിക്കു നേരിട്ട് ബന്ധമില്ലെന്നും ആത്മഹത്യ പ്രേരണ കുറ്റം നിലനിൽക്കില്ലെന്നും ഹർജിയിൽ പ്രതിപാദിച്ചിട്ടുണ്ട്. പത്തുവർഷം തടവുശിക്ഷ വിധിച്ച വിചാരണ കോടതിയുടെ ഉത്തരവിനെതിരെ ഹൈക്കോടതിയെ സമീപിച്ചെങ്കിലും തീരുമാനം വൈകിയതിനെ തുടർന്ന് സുപ്രീംകോടതിയിൽ അപ്പീൽ നൽകിയതായി കിരൺ വ്യക്തമാക്കി.