ഗോവ ചലച്ചിത്ര മേളയിലെ പതിവു സാന്നിധ്യമായി മരിയൻ കോളേജിലെ മാധ്യമ പഠന വിദ്യാർത്ഥികൾ

ലോക സിനിമയിലെ പുതിയ ആഖ്യാന രീതികൾ കണ്ടുപഠിക്കാനും പ്രസിദ്ധ ചലച്ചിത്രകാരന്മാരുമായി സംവദിക്കാനും വീഡിയോ റിപ്പോർട്ടുകൾ തയ്യാറാക്കാനും ഈ ചലച്ചിത്രമേള ഉപകാരപ്പെടുന്നുവെന്ന് വിദ്യാർഥികൾ അഭിപ്രായപ്പെട്ടു. കോളേജിൽ എല്ലാവർഷവും നടത്തിവരുന്ന കുട്ടിക്കാനം രാജ്യാന്തര ചലച്ചിത്രമേളയുടെ സംഘാടനത്തിലൂടെ നേടിയെടുത്ത അനുഭവം ഗോവയിലെ മേളയിൽ ക്രിയാത്മക സാന്നിധ്യമാകാൻ സഹായകമാകുന്നുണ്ട്. ഫലാധിഷ്ഠിത വിദ്യാഭ്യാസ പ്രവർത്തനത്തിന്റെ ഭാഗമായാണ് മാധ്യമ വിദ്യാർത്ഥികളെ ചലച്ചിത്രമേളകൾക്ക് വിട്ടയക്കുന്നത്. തിരുവനന്തപുരത്ത് ഡിസംബർ 13 മുതൽ നടക്കുന്ന ഐ എഫ് എഫ് കെ യിലും മരിയനിലെ മാധ്യമ പഠന വിദ്യാർത്ഥികൾ രജിസ്റ്റർ ചെയ്തു കഴിഞ്ഞു.