മുണ്ടക്കൈ-ചൂരൽമല ഭൂമിയേറ്റെടുക്കൽ. എസ്റ്റേറ്റ് ഉടമകളുടെ ഹർജി തള്ളി ഹൈക്കോടതി

മുണ്ടക്കൈ-ചൂരൽമല പുനരധിവാസ പദ്ധതിക്ക് ഹൈക്കോടതി അനുകൂല വിധി. ഉരുൾപ്പൊട്ടൽ ദുരന്തബാധിതർക്ക് ടൗൺഷിപ്പ് നിർമ്മിക്കാൻ എസ്റ്റേറ്റ് ഭൂമി ഏറ്റെടുക്കാമെന്ന് ഹൈക്കോടതി നിർദേശിച്ചു. ഭൂമി ഏറ്റെടുക്കലിന് എതിരെയുള്ള എസ്റ്റേറ്റ് ഉടമകളുടെ ഹർജികൾ തള്ളിയ കോടതി, ഭൂമിയുടമകൾക്ക് ആവശ്യമായ നഷ്ടപരിഹാരം നൽകണമെന്നും ലാൻഡ് അക്വിസിഷൻ നിയമപ്രകാരം നടപടികൾ തുടരുമെന്നും വ്യക്തമാക്കി. എൽസ്റ്റൺ, ഹാരിസൺ മലയാളം തുടങ്ങിയ എസ്റ്റേറ്റ് ഉടമകളായിരുന്നു ഹർജിക്കാർ.