നവവധു ഇന്ദുജയുടെ മരണം.ഭർത്താവിനെയും കൂട്ടുകാരനെയും അറസ്റ്റ് ചെയ്തു.

മൂന്നുമാസം മുമ്പാണ് ഇന്ദുജയെ അഭിജിത്ത് വിവാഹം ചെയ്തത്. മരിച്ച ഇന്ദുജയുടെ കണ്ണിന് താഴെയും തോളിലുമായി മർദനത്തിൻറെ പാടുകളുണ്ടായിരുന്നു. ശംഖുമുഖത്തു വെച്ച്‌ അജാസ് ഇന്ദുജയെ മർദിച്ചെന്നാണ് അഭിജിത്തിൻ്റെ മൊഴി. കഴിഞ്ഞദിവസം അജാസിനെയും അഭിജിത്തിനെയും ഒരുമിച്ചിരുത്തി ചോദ്യം ചെയ്തിരുന്നു. ഇതിനിടെയാണ് അജാസ് ഇന്ദുജയെ മർദ്ദിച്ച കാര്യം അഭിജിത്ത് പോലീസിനോട് പറഞ്ഞത്. ഭർത്താവ് അഭിജിത്തും സുഹൃത്ത് അജാസും നടത്തിയ മാനസിക പീഡനവും മർദ്ദനവുമാണ് ആത്മഹത്യയിലേക്ക് നയിച്ചത് എന്നാണ് പോലീസിൻ്റെ കണ്ടെത്തല്‍. കൂടുതൽ ആളുകൾ ഉൾപ്പെടാൻ സാധ്യത ഉണ്ടോ എന്നു പോലീസ് അന്വേഷിക്കുന്നുണ്ട്.