എറണാകുളം ചേന്ദമം​ഗലത്ത് അയൽവാസിയുടെ ആക്രമണത്തിൽ മൂന്ന് പേർ കൊല്ലപ്പെട്ടു

പ്രതിയായ ഋതു ലഹരിക്കടിമയാണെന്ന് പൊലീസ് അറിയിച്ചു. ലഹരി ഉപയോഗവുമായി ബന്ധപ്പെട്ട് അയൽവാസികൾ നേരത്തേ പൊലീസിൽ പരാതി നൽകിയിരുന്നു. ഇതിൽ നിന്നുണ്ടായ പകയാണ് കൊലപാതകത്തിലേക്ക് നയിച്ചതെന്ന് പ്രാഥമിക നിഗമനമുണ്ട്. നാടിനെ നടുക്കിയ ഈ അരുംകൊല ഇന്ന് വൈകിട്ട് നടന്നതാണെന്ന് പൊലീസ് പറഞ്ഞു. പറവൂർ താലുക്ക് ആശുപത്രിയിലാണ് മൂന്ന് പേരുടെയും മൃതദേഹങ്ങൾ സൂക്ഷിച്ചിരിക്കുന്നത്. സംഭവം നടന്നതോടെ പ്രദേശത്ത് ഭയാനകമായ അന്തരീക്ഷമാണ് നിലനിൽക്കുന്നത്. കൂടുതൽ അന്വേഷണം പുരോഗമിക്കുകയാണ്.