വിദേശ പഠനവിസ ശരിയാക്കിക്കൊടുക്കാമെന്നു പറഞ്ഞ് പത്തര ലക്ഷത്തോളം രൂപ തട്ടിയ യുവതി പിടിയിൽ

ഇദ്ദേഹത്തിന്റെ മകൾക്ക് യു എസ്സിൽ ഉപരിപഠനത്തിന് വിസ ശരിയാക്കി നൽകാമെന്ന് വിശ്വസിപ്പിച്ചാണ് പണം വാങ്ങിയത്. 2022 ഏപ്രിൽ 14 ന് യുവതി താമസിച്ചുവന്ന തിരുവല്ല കാട്ടൂക്കരയിലെ വീട്ടിൽ വച്ച് ആദ്യം നാലര ലക്ഷം രൂപ നൽകി. തുടർന്ന്, 21 മുതൽ പലപ്പോഴായി ഭട്ടിന്റെ വെച്ചൂചിറയിലെ സെൻട്രൽ ബാങ്ക് അക്കൗണ്ടിൽ നിന്നും, പ്രതിയുടെ റാന്നി കാനറാ ബാങ്ക് അക്കൗണ്ടിലേക്ക് ഗൂഗിൾ പേ വഴിയും അക്കൗണ്ട് മുഖേനയും 5,90,288 കൈമാറിയെടുത്തു. ആകെ 10, 40, 288 രൂപയാണ് ഇത്തരത്തിൽ പ്രതി കൈക്കലാക്കിയത്. വിസ തരപ്പെടുത്തികൊടുക്കുകയോ തുക തിരികെ നൽകുകയോ ചെയ്യാതെ വഞ്ചിച്ചു എന്നതാണ് കേസ്.
ഈവർഷം ഓഗസ്റ്റ് 24 നാണ് ഭട്ട് തിരുവല്ല പോലീസ് സ്റ്റേഷനിൽ പരാതി നൽകിയത്. തുടർന്ന് എസ് സി പി ഓ സുശീൽ കുമാർ മൊഴി രേഖപ്പെടുത്തി. എസ് ഐ മുഹമ്മദ്‌ സാലിഹിന്റെ നേതൃത്വത്തിൽ കേസെടുത്ത് അന്വേഷണം ആരംഭിച്ചു. ബാങ്ക് ഇടപാടുകൾ സംബന്ധിച്ച രേഖകൾ അന്വേഷണ സംഘം ശേഖരിച്ച് പരിശോധിച്ചതിൽ, പ്രതി പണം കൈപ്പറ്റിയതായി വെളിപ്പെട്ടു.