ഓൾഡ് ഗോവ സെന്റ് ഫ്രാൻസിസ് സേവ്യർ തിരുനാൾ ഇന്ന്

ഗോവ- ഓള്‍ഡ് ഗോവയിലെ പ്രശസ്തമായ സെന്റ് ഫ്രാന്‍സിസ് സേവ്യര്‍ ചര്‍ച്ചിലെ തിരുശേഷിപ്പ് പെരുന്നാള്‍ ഇന്ന്. വിശുദ്ധൻ്റെ ഭൗതികാവശിഷ്ടങ്ങള്‍ സൂക്ഷീച്ചിരിക്കുന്ന യുനെസ്കോയുടെ ലോക പൈതൃക സൈറ്റായ ബോം ജീസസ് ബസിലിക്കയാണ് ആഘോഷങ്ങളുടെ പ്രധാന സ്ഥലം. പെരുന്നാൾ ദിനത്തിന് മുന്നോടിയായി ഒന്‍പത് ദിവസത്തെ നൊവേന നവംബർ 24 മുതൽ ആരംഭിച്ചു . ഇന്ന് വൈകിട്ട് ആറ് മണിവരെ പ്രാര്‍ത്ഥനകള്‍ ഉണ്ടായിരിക്കും. ആയിരക്കണക്കിന് തീര്‍ത്ഥാടകരാണ് ഗോവയുടെ വിവിധ ഭാഗങ്ങളില്‍ നിന്നും മറ്റ് സംസ്ഥാനങ്ങളില്‍ നിന്നും പ്രാര്‍ത്ഥനയില്‍ പങ്കെടുക്കാന്‍ എത്തിച്ചേരുന്നത്. പെരുന്നാളിനോടനുബന്ധിച്ച് ചര്‍ച്ച് സമുച്ചയങ്ങള്‍ക്ക് ചുറ്റുമായി നൂറ് കണക്കിന് വ്യാപാര സ്റ്റാളുകളാണ് സ്ഥാപിച്ചിട്ടുള്ളത്. ഇന്ന് ഓള്‍ഡ്ഗോവയിലേക്ക് ട്രാഫിക് നിയന്ത്രണങ്ങളും ഏര്‍പ്പെടുത്തിയിട്ടുണ്ട്.