വിനോദയാത്രയുടെ ഭാഗമായി ഉത്തര കന്നടയിലെ മുരുഡേശ്വർ ബീച്ചിലെത്തിയ വിദ്യാർത്ഥിനികള്‍ മുങ്ങിമരിച്ചു.

കോലാർ ജില്ലയിലെ മുളബാഗിലു മൊറാർജി ദേശായി റസിഡൻഷ്യല്‍ സ്കൂളിലെ 44 വിദ്യാർത്ഥികളും ആറ് അധ്യാപകരും അടങ്ങുന്ന സംഘം വിനോദയാത്രയുടെ ഭാഗമായി ചൊവ്വാഴ്ച മുരുഡേശ്വറിൽ എത്തിയതായിരുന്നു. വൈകുന്നേരത്തോടെ സംഘം ബീച്ചിലെത്തി.
ഇതിൽ 7 വിദ്യാർത്ഥിനികൾ തിരയിൽപ്പെട്ടകയും അതിൽ 3 പേരെ രക്ഷപ്പെടുത്തുകയും ചെയ്തു. ഒരാളുടെ മൃതദേഹം കണ്ടെത്തി. മൂന്നുപേരെ ഇതുവരെ കണ്ടെത്താനായില്ല. തിരച്ചില്‍ തുടരുന്നു. ലൈഫ് ഗാർഡിന്റെ മുന്നറിയിപ്പ് അവഗണിച്ച്‌ വിദ്യാർഥിനികള്‍ കടലിലിറങ്ങിയാതായി പറയുന്നു. കോലാർ ജില്ലയിലെ മുള്‍ബഗല്‍ സ്വദേശികളായ ശ്രീവന്ദതി, ദീക്ഷിത, ലാവണ്യ, വന്ദന എന്നിവരാണ് കടലില്‍ തിരയിൽ പെട്ടത്.